Kennsla mín byggir á viðurkenndum aðferðum í kennslufræði þar sem nemandinn er í miðju námsins. Markmiðið er ekki aðeins að standast próf — heldur að verða öruggur, sjálfstæður og meðvitaður ökumaður til framtíðar.
Ég nota fjölbreyttar og viðurkenndar kennsluaðferðir sem styðja við virkt nám, áhugahvöt og stöðuga framvindu. Aðferðirnar eru í samræmi við markmið námskrár og byggja á námsefni úr kennslufræði, námsmati og námskrá ökunáms.
Kennslan fylgir stigskiptri þróun samkvæmt flokkunarkerfi Bloom — frá því að muna og skilja yfir í að beita, greina og meta í raunverulegum aðstæðum.
Ég nota USM líkanið sem skipulag í samtali við nemanda: upphaf, svar og mat/endurgjöf. Þannig verður samtalið markvisst og nemandinn virkur í eigin námi.
Ég legg áherslu á leiðsagnarmat sem styður við nám og eykur sjálfstraust nemenda með stöðugri og uppbyggilegri endurgjöf.
Ég vinn markvisst með áhugahvöt út frá MUSIC módelinu til að auka þátttöku, ánægju og árangur í námi.
Góð kennsla snýst ekki um að fylla fötu, heldur að kveikja eld.
— William Butler Yeats
Ég er Kristján Þórður Þorvaldsson og byggi ökukennslu mína á skipulagi, fagmennsku, einfaldleika og þolinmæði. Kennslan fer fram á íslensku, pólsku eða ensku og er sniðin að þörfum hvers nemanda.
„Markmiðið mitt er ekki aðeins að kenna nemanda að stjórna bíl, heldur að hjálpa honum að hugsa, meta aðstæður og taka öruggar ákvarðanir í umferðinni.“